Pyetje: Eselamun alejkum, desha te di se a eshte e lejuar qe nje femer me mbulese te veshe pantolla? Kam lexuar se nje femer qe i perngjan nje mashkulli eshte e mallkuar si nga ana e All-llahut dhe e pejgamberit. Zoti ju shperblefte.
Përgjigje: Alejkum selam! El hamdulilah ues-salatu ues-selamu ala resulilah ua ala alihi ue sahbihi exhmein ue bad:
Veshja e pantallonave para burrave të huaj nuk lejohet për gruan myslimane, sepse kjo bie ndesh me rregullat e mbulesës islame.
Ndërsa para njerëzve të saj mendoj se gruas i lejohet të veshë pantallona, por jo të ngushta, por të gjera aq sa nuk i tregojnë pjesët e trupit të saj.
Hadithi që tregon është i saktë e transmeton Tirmidhiu nga Ibn Abasi se Profeti salallahu alejhi ue selem ka thënë: "I ka mallkuar Allahu ata burra që duan të bëhen si gratë dhe ato gra që duan të bëhen si burrat."
Por, nuk mendoj se veshja e pantallonave të cilat i veshin gratë zakonisht është e ndaluar, nuk shoh në këtë gjë përngjasim, sepse pantallonat janë veshje që i veshin edhe gratë edhe burrat. Këtu flasim kur gruaja i vesh ato para njerëzve që u lejohet ta shohin atë pa shami, ndërsa para të huajve nuk i lejohet veshja e tyre absolutisht. Allahu e di më mirë.
Abdurrahim Balla
www.teuhidi.com