Si veprohet në marrjen e abdesit: Më ka treguar Jahja nga Maliku, e ky nga Amër bin Jahja el Mazini, e ky nga babai i tij, i cili i ka thënë Abdullah bin Zejd bin Asimit, gjyshit të Amër bin Jahja el Maziniut, i cili në të njëjtën kohë ishte nga shokët e të dërguarit të Allahut (Paqja dhe lavdërimet e Allahut qofshin me të!): A mund të më tregosh se si merrte abdes i dërguari i Allahut (Paqja dhe lavdërimet e Allahut qofshin me të!)? Abdullah bin Zejd bin Asim tha: Po. Ai kërkoi një enë për të marë abdes, përveshi mëngët dhe si fillim lau duart nga dy herë. Futi ujin në gojë dhe në hundë tri herë, më pas lau fytyrën tri herë, pas kësaj lau duart deri në bërryl nga dy herë. I dha mes'h kokës me të dyja duart, duke e filluar nga pjesa e përparme deri pas qafës e pastaj i kthente përsëri në gjendjen e mëparshme nga ku kishte filluar mes'hin, dhe në fund lau këmbë